Tag Archive: ՊԱՐՏԵԶ
Դպրոցին արդյոք պատրաստ է երեխան:
Այս անգամ Տունտունիկի փոքրիկ սաները ուղևորվեցին գանձի հետևից: Նավաստիները եղան հայրենիքի ու կարոտի,մայրության և ծաղիկների,գիտունների,իմաստունների կղզիներում:
Հայրենիքի կղզու փոքրիկ տիրակալը նավաստիներին հայրենասիրության դասեր տվեց:
Հաջորդ կղզում ծաղիկներով կերպավորված հեզ աղջիկները նավաստիներին տվեցին մայր բառի,քնքշություն բառի իրական իմասստը:
Փոքրիկ նավաստիները պատվով հաղթահարեցին գիտունների ու իմաստունների կղզու փոքրիկ փորձությունները’ պատասխանեցին նրանց բոլոր հարցերին և ստացան դեպի գանձը տանող քարտեզն ու բանալին:
Ինչպես ամեն հեքիաթում,այստեղ ևս բարին հաղթեց չարին:Բժիշկը ծովահեններին բուժեց չարությունից ու նրանք վերադարձրին գողացված քարտեզը:
Վերջում,երբ գտան ու բացեցին գանձատուփը, փոքրիկների համար ևս մեկ անգամ պարզ դարձավ,որ իրական գանձը գիտելիքն է,որին հասնելու համար իսկապես պետք է ջանալ: Հասկացան,որ գիտելիք կոչվող գանձի չափ թանկ չի կարող
լինել և ոչ մի ակնեղեն:
Պետք է նշել,որ երեխաներն այնքան էին յուրացրել կերպարները,այնպես էին զգում իրենց կերտած դերերը,որ խաղը ոչ թե ներկայացման,այլ իրական կյանքի մի հեքիաթային դրվագի նմանվեց:
Մեծ շնորհակալության են արժանի թե փոքրիկ հերոսները,թե իրենց հետ աշխատողները:
Լրագրող՝ Աննա Գրիգորյան
Այսպիսին էր մեր գունեղ ու չքնաղ հեքիաթի ավարտը:Ավարտ,որ ազդարարում է մի նոր կյանքի սկիզբ’ դպրոց անունով:
Տունտունիկը սրտի թրթիռով ու մեծ կարոտով է հրաժեշտ տալիս իր առաջին շրջանավարտներին:
Այս ընթացքում Տունտունիկի տնօրինությունն ու աշխատակազմը հասցրեց սաներից յուրաքանչյուրին սիրել ու ընդունել սեփական երեխայի նման:Սաների նկատմամբ ունեցած ծնողական վերաբերմունքն ու քնքշանքը երբեք չբաշխվեց անհավասար,քանզի ամեն մեկը մի աստղ էր, և առանց թեկուզ մեկի Տունտունիկի երկնակամարը կիսատ կլիներ:Սիրելի շրջանավարտներ, Տունտունիկը ձեր անկեղծ ժպիտի,մանկական լացի ու լիաթոք ծիծաղի պակասը շատ կզգա:
Մաղթում ենք ձեզ ուսումնական մեծ հաջողություններ’ հուսալով,որ Տունտունիկը ձեր կրթության ու դաստիսրակության գործում իր ավանդն ունեցավ:
Թող յուրաքանչյուրիդ հաջողությունը Տունտունիկին հպարտանալու ևս մեկ առիթ տա:
Բարի երթ:
«ՏՈւՆՏՈւՆԻԿ» մանկական զարգացման կենտրոն
հեռ` 095300600
Կենտրոնում մենք օգնում ենք բազմակողմանիորեն բացահայտել մասնակից երեխաների շնորհները, ձեռք բերել նոր հմտություններ, ամենակարևորը նաև ուղղորդում ենք ծնողներին` երեխաների հետ աշխատել ըստ համապատասխան տարիքային շրջանի:
3-4 տարեկաններ
Ուսուցման 1-ին փուլ
Մենք կարծում ենք, որ մինչև 3 տարեկան երեխաների համար լավագույն տարբերակը ծնողների, հատկապես` մոր կողքին լինելն ու նրա անմնացորդ ուշադրությունն ստանալն է, սակայն մեր օրերում բազմազբաղ ծնողները հաճախ չեն կարողանում ապահովել նման պայմաններ:
Այսպես, մեր կենտրոնում ուսուցման 1-ին փուլը հենց 2-3 տարեկան երեխաների համար է, որն ունի կրթական հետևյալ հնարավորությունները.
1. Գիտակցության զարգացում (որպեսզի երեխան հասկանա և որոշի, թե ինչ է իրեն պետք)
2. Երեխայի հնարավորությունների բացահայտում
3. Ֆիզիկական գործունեության զարգացում
4. Զգայական ընկալումների զարգացում (ձև, գույն, չափ)
5. Մանր մոտորիկայի զարգացում
6. Ինքնուրույնության զարգացում
7. Խոսքի հմտության զարգացում
8. Պար, երգ
9. Մաթեմատիկական պատկերացումներ
.Այս փուլին հաջորդող ուսուցման փուլը երեխաներին նախապատրաստում է դպրոցին: